研究 無性 蛋白

昨天﹐看到有潛力計算出解釋宇宙的數學﹐想起也有一陣子沒看什麼科學新聞。世界有些研究﹐你可能會想﹐白痴到咁點會有人做咩? 無錯﹐就有人做﹐例如: 當年溫哥華有條橋﹐就有政府部門去斥支過百萬和差不多兩年去研究流量﹐平平地揾架機計住大概每日數目﹐和研究下虧屑程道﹐這些無錯要做。不過研究幾年﹐洗咁多錢﹐居然結果報告是﹐由南至北的行車﹐和由北向南嘅行車﹐數量接近。喂!大佬﹐白痴嘅都知啦﹐又唔係好多條橋﹐另外一條也在起碼半多小時以外嘅距離﹐唔洗做報告也可預想到結果罷? 就算要做個報告知知﹐都唔駛用咁多錢和咁耐啩? 起碼都要另外提議下流量數目增長速度﹐損蝕程度﹐耐用預期﹐將來有無需要擴展﹐要點修補﹐乜都唔講﹐淨係話由兩邊行出嘅車數量接近﹐唔係下嗎?

又好似由BC北溫駛出去Victoria Island嘅大船(載車載人個種)﹐政府耗支多多話打格快嘅﹐結果做完又話行得快會對岸邊做成太多風浪﹐要行番慢﹐要虧損﹐要賣船﹐人就是終日在這些荒謬中間爭扎。投訴咩?唔知有人做咁白痴嘅決策就無人投訴﹐就算有少數﹐也不能阻止﹐因為有利益嘅存在。好! 到社會個個都知啦﹐新聞大字標題在罵﹐又已米已成炊﹐已成過去﹐鬧到點也是多餘。

越想越遠...... 人存在﹐覺得自己存在是必然的﹐雖然也有不少會去問一問意義﹐不過很多人見到個幾o岩自己聽嘅道理就會接受﹐"Man is a credulous animal, and must believe something; in the absence of good grounds for belief, he will be satisfied with bad ones. " - Bertrand Russell﹐像大部份宗教﹐就硬要說男女才可繁衍﹐不過看看這篇報導:四億年無性。反而就會見其實一切生物也有著他們自然繁衍的方式﹐有著自己發展的軌跡。細胞﹐細菌﹐分裂﹐不需解釋﹐更加沒需要你的認同(我爆咪爆囉﹐關你叉蛋治呀?)。人不了解的事太多﹐就算看幾多也看不完﹐抱著新鮮和好奇﹐無邊界的廣闊草原﹐跑。

油魚可惡﹐只不過因為奸商賣比你食﹐科學家卻把抗凝結蛋白拿來剖釋(Antifreeze proteins﹐亦叫 ice-structuring proteins 或 ISPs)﹐希望在移植器官時可以應用於保護器官免於運送中雪壞。嘻﹐還已經給加入低脂雪糕﹐好等雪糕不會結得太硬﹐會唔會食壞人就唔知喇。加拿大侵蝕樹林的一種蟲﹐其蛹可抵禦–30 C 低溫﹐知道可能會讚嘆做物之奇﹐不過過兩天可能又已不記得有這回事。人﹐繼續盲目向前亂跑。