9/22/09

交功課

很久懶得打字﹐也許天生就是懶骨頭﹐做一做﹐抖兩抖﹐每次也要休個滿心歡喜才會作一會﹐隨心而作﹐自然很少會擔心過度勞損。看了這篇文章(為什麼會有這個 link 呢?)﹐就有兩個奇人﹐豪邁爽快的女子﹐和讀 Schopenhauer 的三行佬。知識﹑欺壓與否﹐也定奪於其人本性罷了﹐懶有知識的香港人難道還少﹐但讀落蠻覺生動。

多多少少﹐自己對自己的疏懶總存少許歉意﹐有點像當年義務上是該交功課﹐但實質上又看不到當中有任何意義得著﹐而拖到最後一秒。是種可怕的陋習﹐抱著愧疚的追趕﹐勞心勞力﹐但又像暗地裡等著發揮潛能的機會﹐證明一下不過吹灰之事。沒那種壓逼感時﹐身邊種種瑣事也忽然變得有趣起來﹐忽爾平常不看的電視也格外好看。當然﹐拖慢進度很少是最終目的﹐而是結果﹐一直拉扯到逼不得已般﹐死死氣氣的﹐做。

現在很盡力去慢慢戒掉這習慣﹐其實心中一開始就不要想時間﹐想做就徹徹底底去做。不過我連去旅行﹐也可拖到出發前才計劃... 心內說﹐沒緊要﹐沒安排的時間﹐就是要用來隨處逛逛﹐感受當地風味。哈哈﹐亦如有這習慣的每一個人﹐次次都一定有個煌得體的藉口。哈哈﹐此處﹐又想到那個只寫上集的朋友﹐近來可趕得要緊的﹐萬分期待大作。

3 comments:

Anonymous said...

我拖延並無藉口。另外,我去旅行係落機果一刻先開始計畫,甚至去完先至「計畫」...你已經未雨綢繆啦。我已經寫好一篇五千幾字嘅序(因為一個字都唔可以錯,齋double-check資料已經要花兩日),部書都大致搞掂(註腳依然逐日遞增)。紀律真係好緊要...

Anonymous said...

又係我。雖然我唔懷疑三行佬可以欣賞叔本華(將來我去做侍應都可以睇Plato啦吹咩),王迪詩d野好多都係老作。至於「知識份子」故事,我覺得唔係咁簡單:你從大嬸角度講係好,咁個女兒一生被毀又點呢?救一個人去害另一個人,自己又要撒謊,何必?

道士 said...

haha, 就如你上篇連結﹐老子一生都係寫得五千字﹐所以算好叻架喇。還有﹐現在出書已經係唔使怕有錯字的﹐哈哈﹐那是校對和電腦的職責。錯百幾二百隻﹐你插送兩張海報就可能大賣。

至於連結﹐看完笑笑就算﹐何必執意真假﹐你咁講法﹐我都係廚房仔嗟。不過其實我懷疑佢咁豪爽多過有個在旁有八卦看書的人; 可能係因為我孤寒﹐又或者因為我都係悲觀主義者。

我只在說上厥﹐至於下面故事﹐我成日都話D 寓言故事教壞人。哈﹐這類就像大多(盲目 <- 加埋等你唔好話唔係個個都係咁信法)信教的人﹐總會把每樣事當神跡﹐樣樣common sense 都寫到好神奇﹐樣樣荒謬的事也可好好領會一番。

哈哈﹐再想﹐我上次自己托兩三罐ICI翻新間屋﹐批埋灰﹐咪又係成個裝修佬咁﹐不過我唔會要中文版﹐英文版佢送我都會唔客氣照收。世界其實很多很奇怪的事﹐也只是美麗的誤會﹐和人一廂情願的代入想法。