7/16/08

由於時間關係

最近週末也做兩味下酒﹐煮些日式小吃﹐或者數味小菜﹐餐湯麵包。這碟炸豬扒賣相還是欠了點﹐始終用油爐才熱力平均﹐炸得金黃﹔再說﹐要做一流的日式豬扒也要上多兩次包糠﹐才能包著肥美鮮嫩的肉汁﹐外脆內軟。點上芝麻和豬扒醬﹐送個沙律加個飯﹐簡直有刻覺得升了上天。那伴碟的花是用自己醃製的白蘿蔔砌出來﹐醃蘿蔔要的時間比較長﹐這次多手加了蔥蒜和芥茉子後味道比較複雜﹐有點韓式的感覺。如果醃青瓜那些較易入味的蔬菜﹐第二﹑三天就很好味。很適合夏天的風味﹐加個冷麵﹐冰鎮清酒﹐最後吃個西瓜﹐感覺很完美。


這碟碟頭飯是日式湯汁煮的意大利飯﹐用的日式湯汁﹐是之前煮清酒煮蜆剩餘的汁水。煮蜆十分簡單﹐輕爆蔥蒜﹐炒蜆﹐下酒﹐調味﹐味道鮮甜得不得了。雖說海產不宜吃得多﹐但我想下星期又要弄多次﹐以解我單思之苦。另外是炸魚塊﹑煎雞﹑炒椰菜和烘蕃薯。由於在家吃﹐也沒太講究先後﹐一併放了上碟﹐伴了支普普通通的semillion chardonnay。不過越吃越肥﹐暫時怕且要收斂一下。

5 comments:

.bwd. said...

醃蘿蔔是生蘿蔔是吧? 白蘿蔔就咁切條拿去浸.

個醋唔煮得唔得? 成樽都係生嘅(生蘿蔔/生醋)會唔會唔好?

我想就咁用日本壽司醋浸...費事煩。 同埋加隻紅辣椒, 應該會幾好味?

你個醃蘿蔔醃咗幾多日?

同埋想整蕎頭。係咪生蒜頭?

食炸豬扒同蜆, 想唔肥都幾難。不過均衡飲食始終係好事。

道士 said...

當然是生的﹐煮了又怎可能爽脆?

切條會較快入味﹐你當然可煮一煮個醋汁﹐但也要放涼才可浸。

應該會唔夠味。

我成條醃起碼兩星期才吃﹐醃了個半月才拿出來包好。

蕎頭就蕎頭﹐蒜頭就蒜頭﹐蕎頭又怎會是蒜頭?

是的。

.bwd. said...

又係噃!!

咁都係用白米醋啦. 唔夠味咁整嚟做乜?!

蕎頭=/=蒜頭?!! shit... thanks, i go search search again...

veena said...

頂! 我係哩邊食醉雞煲, 你就食豬扒... 好想快D夏天

道士 said...

我以為你愛春天添。