越思想界限的暴力 盡人性邊緣的血腥

隨筆

前一陣子忙完執拾搬家後﹐今天首次靜靜的坐下寫徘徊多時的思緒。我本來想對廣管局一事加口﹐不過香港人遍無修養﹑無文化﹑眼光淺狹﹐也不是頭一次說了﹐有這樣的事發生實也不足為奇。落後的社會就會發生蠻夷之事﹐況且又過了段時間﹐所以也懶得再寫。

I-cable公司的事仍有下聞﹐上weekend他們公司居然硬cut咗我service﹐又話臨時訊號﹐又話因為要師傅上們做服務﹐挾硬要個師傅上門打咗個電話﹐阻我時間後硬收了$300。我已向他們公司嚴重發表不滿﹐一陣又話係行政費﹐一陣又話係師傅費用(個師傅上門時和我閒聊﹐也說根本是他們在機樓搞鬼)。咁大間公司﹐為咗挾硬收幾百蚊咁鬼核突﹐行政﹑服務﹑連投訴部都嚴重欠缺專業水準﹐居然夠膽話佢地公司職員講的言論不代表了佢地公司既policy。

搬

講了咁耐﹐結果就於昨天完成搬家的任務。半身酸軟﹐還興幸是請了搬運公司﹐否則看來也怕且要攤低兩天﹐因為這兩天單單轉鏍絲也轉到手指發軟。跑七層樓梯﹐本來也習慣了沒什麼﹐不過上落幾次便很要命。很羨慕某些簡約主義的人可以隨時隨地拿起兩箱行李便走﹐想起自己年輕也試過拿起背包便穿州過省住上一兩個月﹐可能人隨著年紀就必定會執著要擁有著些東西﹐幾本捨不得的舊書﹐又或是相片﹐可能是買了幾年卻只著過兩次的西裝...每個人必定會沉迷在某些擁有﹐某樣生活的格式。只有年輕才最能把身邊的事放棄﹐因為在前面要擁有的事物往往比現在的好。

前後投訴了間I-Cable有線寬頻公司兩次﹐第一次是轉地址時那間公司想硬要收當時佢地sales話可waive既$300﹐又話無師傅上門就無可能可上網﹐於是就先投訴佢個sales誤導(留底兩年前個sales既名字﹐是算舊賬的最好工具。) 但當電腦搬過來後﹐一插就得﹐根本就唔駛搞任何安裝﹐於是又再投訴埋佢地既投訴部門兼佢地既客戶服務部﹐不單當時誤導﹐連宜家都係亂來﹐叫佢地自己cancel番個work order﹐就算再話唔收宜家我條氣都唔順。雖然我明白在商業機構係盈利為上﹐不過都唔係挾硬來啩? 真係想打行字﹐改我個通訊地址就收我錢咩?