不說還說

First off, I would like to start off by giving my condolences to the victims of this incident. 先弔傷亡﹐亦首先講﹐唔係話死傷者唔係唔慘﹐唔係話事件唔使追究﹐唔係話人命唔重要﹐只係意外還意外。我反而覺得最恐怖﹐係政府做嘅呢場 show.

當個個在討論其實人質係點死﹐事件對錯﹐該如何做的同時。我真的很質疑究竟係我自己有問題﹐定係世界本就如此瘋癲。其實意外經常會發生﹐內地一輛列車出軌﹐一架旅遊巴剷落山崖﹐其實無時無刻都會發生。難道其他意外不是意外﹐要在一個蝦得過的小國先要上演場鬧劇? 我覺得如果事件在英美﹐或者甚至日本﹐各個師長就唔會咁振振有詞。本來可以做得更好﹐本來有機會可以救得翻﹐當一冠上"假如"二字﹐我們就可以比一千幾百萬樣可能﹐但始終﹐那不是事實。

上次泰國政變﹐香港政府比人話反應慢﹐今次就做場政治show, 講真﹐一車人撞著個癲佬﹐慘唔係唔慘﹐但係個別事件﹐未至於要用呢個級別嘅 reaction. 例如旅遊警告﹐大可轉為紅色﹐警告旅遊人士呢件事﹐但呢件事﹐唔係國家暴動﹐亦唔係天崩地裂﹐對其他甚至還在旅遊的人不構成 immediate threat。 而無喇喇政府有網頁唔用﹐要開個 facebook 群組﹐更見有心擺姿態。

下三日半旗﹐我只係覺﹐使唔使呀? 現在呢班死傷者﹐唔係在敵國打仗陣亡﹐為國捐軀﹐卻係 freak accident, 係 being at the wrong place at the wrong time, 係件極不幸的意外事故。就算死個係我﹐我都唔覺得值下三日旗﹐一日半日就正常。

跟著一大堆手指槍﹑事後留念相﹑菲總統有笑容﹑成龍體諒事件﹑葉劉倡杯葛﹑事主括打或辭退菲庸等等﹐都要給網上的暴民有理無理的胡亂攻擊一翻。其實寫此文前﹐我都心內掙扎了好一會﹐因為看看見人哋講錯句都比人罵足祖宗十八代﹐何況我唔係乜水﹐哈。深表哀痛的同時﹐我更為這個政府覺得可悲。政府為滿足民意而做小動作﹐就好大件事。

其實菲國已是個好好的教訓﹐當時馬可斯時代﹐的確係一個唔公平嘅時代﹐但旅遊業興旺﹐民生普遍向好。到政變改革後他們追求到所謂民主時﹐國家衰落﹐民生愈下﹐腐敗更甚。"The whole history of the world is summed up in the fact that, when nations are strong, they are not always just, and when they wish to be just, they are no longer strong." - Winston Churchill 雖然香港唔會出現到內戰﹐但如果政府無明確立場方向﹐不能作長遠規劃卻只靠呢D小把戲做show 去討好民心﹐社會只會更差﹐更多自殺﹑癲佬斬人嘅事件將會發生。

該紅卻黑﹐應對甚於事。抹黑見紅﹐暴治理皆失。阿修羅﹐本如此。逆眾真﹐不可說。八死忽來民族感﹐亂槍打出兩政謬。