萬剩節

今早很應節的發了個夢。在夢裡﹐來了個急問急答的環節﹐初初一個主持人問﹐這是誰?

我只隱約一瞥就答﹐不知是誰帶了個低劣的羔羊醫生面具。很快像投影機又轉到下幕﹐Jack the pumpkin king. 我不假思索的連續看和答到 Friday the 13th, Saw, Elm street's Freddy Krueger, Dracula, 一連串經典造型﹐很快很快的閃過﹐閃到後來﹐活生生這些人物跳出來問我他們是誰﹐只要我一答就會跳一個新的人物出來﹐連滑頭鬼﹐ Alien, Predator, Draco Malfoy, Saruman 都撲出來趁熱鬧﹐快得我有點應接不暇的感覺﹐但又玩得十分雀躍。然後我愕了一愕﹐因為 Dr. Lecter 又再出來﹐但這次更明顯係另一個肥佬扮﹐然後我雙眼一反﹐就想走了﹐因為我在想﹐"下﹐咁都算係呀?"

然後開始再出現的﹐就是堆唔像樣但又要夾硬扮的人物角色﹐很多都離譜到我唔想再估﹐例如個奀挑鬼命的 Frankenstein's monster. 到最後看到的是個在扮 The nightmare before Christmas 內的 Sally 的女人﹐卻係個 little mermaid 中隻八爪魚 Ursula 的身形﹐個下我頂唔住拍枱﹐"嘩﹐肥婆﹐你唔好咁過份好窩。"就醒了。

醒了過來的第一念﹐係好鬼激氣: 一來係原來本來有點驚嚇的興奮﹐但居然後來係受到一種美感上不安的煩燥煩醒。二來﹐還為個肥婆的做型在深深不忿中。回過神來﹐突然覺﹐太應節了﹐又忍不住為這滑稽的感覺笑了笑。